طريقة عمل الجبنة الموتزاريلا

طريقة عمل الجبنة الموتزاريلا مقدمة من صديقة الصفحة eman


كوك منيو
كوك منيو

 الطريقة :

اهي اول حاجه نجيب نص كيلو لبن انا بحب اجرب الأول في كميه صغيره المهم نجيبه من عند اللبان ومنغليهوش نحطه في اي حاجه استانلس ونغطيه ونسيبه لتاني يوم انا بجيبه من بالليل وسيبه للصبح طبعا الصبح بيكون راب يعني تقل اوي نروح حطينه  على نار هاديه او اوي اوي واحط عليه ملعقه كبيره لبن بودره ونص ونص ملعقه صغيره ملح او حسب ما تدوقيه وتقلبي تقليبه وحده ومتخليهوش عالنار كتير او ما تحسي انه هايفصل يعني هايقطع هايكون ميه لوحدها والجبنه لوحدها نكون مولعين على ميه في حله هشان هانحط الحله اللي فيها اللبن جواها نشيل بسرعه الحله من عالنار ونحطها عالميه السخنه يعني زي حمام بخار كده ونقلب هانلاقي ان اللبن فصل ونمسك بملعقة خشب حتة جبنه ونرفعها بالملعقه هانلاقيها بتنزل بطيء زي الأستك بتتمط نشيلها بسرعه من عالنار خلو بالكو لو قعدت كتير عالنار بتتمط اوي وبتبقى زي الكاوتش احنا مش عاوزين كده يا دوب عاوزها تتمط خفيف المهم نحطها في شاشه او اي فانله قديمه عندك ونسيبها على مصفاه في حله تنزل ميتها مترموش الميه اللي هاتنزل لأننا هانحطها على المش لو عندك مش المهم بعد ما تصفي الميه تجيبي بوله فيها ميه ساقعه وتحط الشاشه وهي مربوطه بالجبن وتضغطي عليها عشان تنزل اللبن وتمسك في بعضها هاتبقى زي الكوره قطعي منها براحتك وممكن تشيليها في الفريزر ولو احتجتي ابقي ابشريها وبألف هنا

إرسال تعليق

0 تعليقات